Abşeron rayonunda keçmiş həyat yoldaşını qətlə yetirən şəxs barəsində cinayət işi Sumqayıt Ağır Cinayətlər Məhkəməsinə göndərilib. Bu haqda dekabrın 7-də rayon prokurorluğundan məlumat verilib.
Hadisə bu ilin 24 avqust tarixində Qobu qəsəbəsi ərazisində qeydə alınıb. Nurlan Sultanov 25 yaşlı zərərçəkmişlə aralarında yaranmış mübahisə zamanı onu uşaqlarının və anasının gözü qarşısında bıçaqlayaraq öldürüb. Sözügedən şəxs, həmçinin mərhumun anasını itələyərək xəsarət yetirib.
N.Sultanov “xüsusi amansızlıqla və ya ümumi təhlükəli üsulla adam öldürmə” və “qəsdən sağlamlığa az ağır zərər vurma” maddələri ilə ittiham olunaraq həbs edilib.
Ölkədə cari ilin 9 ayı ərzində baş verən qəsdən adam öldürmə və adam öldürməyə cəhd cinayətləri nəticəsində 51 qadın həyatını itirib. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
