Mayın 8-də keçirilən Azərbaycan dili (dövlət dili kimi) imtahanında iştirak etməyən və ya “qeyri-məqbul” qiymət alan abituriyentlər üçün ikinci cəhd imtahan verilir. Bu haqda mayın 31-də Dövlət İmtahan Mərkəzi məlumat yayıb.
Belə ki, ali təhsil müəssisələrinə, 9 və 11 illik təhsil bazasında kolleclərə qəbul olmaq istəyənlər Azərbaycan dili imtahanına bu gün saat 23:59-dək qeydiyyatdan keçə bilərlər.
Ali təhsil müəssisələrinə və 11 illik təhsil bazasında kolleclərə qəbul olmaq istəyən abituriyentlər buradan, 9 illik təhsil bazasında kolleclərə qəbul olmaq istəyənlər isə buradan qeydiyyatdan keçə bilərlər.
Qeydiyyat üçün şəxsi kabinetdəki hesaba 10 manat köçürülməlidir.
İkinci cəhd imtahan 12 iyun tarixində təşkil olunacaq.
