Abşeronda 35 evdən oğurluq edən və narkotik satan şəxslər saxlanılıb. Bu barədə 11 may tarixində Daxili İşlər Nazirliyi məlumat verib.
Məlumata əsasən, Xırdalan şəhəri “Quşçuluq” yaşayış massivində yaşayan bir nəfərin evdə olmadığı müddətdə mənzilindən 5 200 manat dəyərində televizor, həmçinin qızıl-zinət əşyaları naməlum şəxs və ya şəxslər tərəfindən oğurlanıb. Bildirilib ki, həmin ərazidə yaşayan daha 4 sakin evlərindən məişət və digər əşyaların oğurlandığı barədə Polis İdarəsinə məlumat veriblər.
Hadisələri törətməkdə şübhəli bilinən 4 nəfər saxlanılıb. Araşdırmalar zamanı onların müxtəlif vaxtlarda 35 evdən oğurluq etdikləri müəyyən edilib.
Həmçinin narkotiklərin satışı ilə məşğul olan 6 nəfər tutulub. Bildirilib ki, onlardan külli miqdarda heroin, marixuana, tiryək və psixotrop maddə olan metamfetamin aşkar olunub.
Araşdırmalar davam etdirilir.
