Adam öldürməkdə təqsirli bilinən Yəhya Quliyevin məhkəməsi başlayıb. İş baxılması üçün Bakı Ağır Cinayətlər Məhkəməsinə göndərilib. Bu barədə 22 iyunda Report məlumat verib.
Hadisə 2022-ci ilin fevral ayında Bakının Biləcəri qəsəbəsində baş verib. 1999-cu il təvəllüdlü Y.Quliyev gecə saatlarında məhəllədə səs-küy yaratdıqlarına görə 1998-ci il təvəllüdlü Zamiq Həşimli və 1992-ci il təvəllüdlü Eynulla İbadovu döyüb. Aldığı xəsarətlərdən E.İbadov xəstəxanaya aparılarkən yolda dünyasını dəyişib.
Y.Qulievə “Qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda” maddəsilə cinayət işi açılıb.
Məlumatda bildirilib ki, Yəhya Quliyev Vətən müharibəsində iştirak edib və "Qubadlının azad olunmasına görə" medalı ilə təltif olunub.
