Ağcabədidə 9 kiloqramdan artıq marixuana qanunsuz dövriyyədən çıxarılıb. Bu barədə İnsanoid DİN-in Mətbuat Xidmətinə istinadən bu gün, 5 oktyabr tarixində xəbər veririk.
Ağcabədi polisinin keçirdiyi əməliyyat nəticəsində narkotik vasitə olan marixuananı daşımaqda şübhəli bilinən rayon sakini Etibar Quliyev saxlanılıb.
Onun ətrafında davam etdirilən araşdırmalarla narkotiki əldə etdiyi mənbə də müəyyən olunub. Keçirilən növbəti əməliyyat zamanı həmin mənbənin Ağdam rayon sakini Yavər Əbdürrəhimov olduğu aşkar edilib.
Y.Əbdürrəhimovun yaşadığı ünvana baxış keçirilən zaman 9 kiloqram 100 qram qurudulmuş marixuana və həyətyanı sahəsindən 8 ədəd çətənə kolu kökündən çıxarılaraq götürülüb.
Faktla bağlı cinayət işi başlanılıb, məhkəmənin qərarı ilə Y.Əbdürrəhimov barəsində həbs qətimkan tədbiri seçilib.
Araşdırmalar davam etdirilir.
