Ağgöl milli parkının ərazisinə 26 baş ceyran köçürülüb. Bu ceyranlar ildə bir dəfə monitorinq olunur. Bu haqda iyulun 4-də Report xəbər yayıb.
Bildirilib ki, layihə çərçivəsində 293 baş ceyran Şirvan milli parkının ərazisindən tutularaq ceyranın tarixən yaşadığı ölkənin digər ərazilərinə köçürülüb. Bu yerlərdən biri də Ağgöl milli parkı olub.
Qeyd edək ki, Ağgöl və Şirvan milli parkları 2003-cü il iyulun 5-də yaradılıb. Həm Ağgöl, həm də Şirvan su-bataqlıq ərazilərində yerləşən milli parklardır. Bu parkların yaradılmasında əsas məqsəd Azərbaycanın Qırmızı kitabına daxil edilən fauna və flora növlərinin, eyni zamanda ümumi ekosistemin mühafizəsini təşkil etməkdir.
