7 nömrəli Tibbi Sosial Ekspert Komissiyasının sədri Oruc Məmmədova və Dövlət Sosial Müdafiə Fondunun Abşeron rayon şöbəsinin baş mütəxəssisi Münəvvər Cabbarovaya Sumqayıt Ağır Cinayətlər Məhkəməsində hökm oxunub. Bu haqda iyunun 9-da Report xəbər verib.
O.Məmmədov 6 il müddətinə azadlıqdan məhrum edilib, M.Cabbarovaya isə şərti cəza verilib.
Oruc Məmmədov və Münəvvər Cabbarova Korrupsiyaya qarşı Mübarizə Baş İdarəsi tərəfindən tutulublar.
Sabiq sədr əlillik əlamətləri olan xəstəyə əlillik dərəcəsinin müəyyən edilməsi üçün tibbi müayinə aktının elektron sistemə göndərilməsi müqabilində ondan Dövlət Sosial Müdafiə Fondunun nümayəndəsi Münəvvər Cabbarova vasitəsilə 2020-ci il oktyabrın 7-də Komissiyanın fəaliyyət göstərdiyi inzibati binadakı xidməti otağında 2 000 manat, dekabrın 9-da isə 500 manat məbləğində pul vəsaitini rüşvət qismində alıb və digər qanunsuz hərəkətlər edib.
O.Məmmədova 2020-ci il dekabrın 17-də “vəzifəli şəxs tərəfindən qanunsuz hərəkətlərə (hərəkətsizliyə) görə rüşvət alma” və “vəzifəli şəxsin qərarına qanunsuz təsir göstərmə (nüfuz alveri)” maddələrilə ittiham olunub. Onun barəsində həbs qətimkan tədbiri, M.Cabbarova barəsində isə polisin nəzarəti altına vermə qətimkan tədbiri seçilib.
