2022-ci ilin aprel ayında Azərbaycanda gündəlik neft (kondensatla birlikdə) hasilatı 693,1 min barel olub. Bu barədə 14 may tarixində Energetika Nazirliyi məlumat yayıb.
Məlumata əsasən, bunun 579,1 min barelini xam neft, 114 min barelini isə kondensat təşkil edib.
Qeyd olunub ki, “OPEC plus” ölkələri nazirlərinin 26-cı iclasında qəbul edilmiş razılaşmaya əsasən, Azərbaycanda gündəlik xam neft hasilatının cari ilin aprelində daha 7 min barel artırılaraq 682 min barelə çatdırılması nəzərdə tutulurdu.
