“Şəhərdən Kəndə” aqroekoturizm layihəsi çərçivəsində Quba, Astara və Lənkəran rayonlarında yerləşən 3 təsərrüfatda yenidənqurma işləri aparılıb və fermerlərə inventarlar verilib. Bu barədə iyunun 24-də Kənd Təsərrüfatı Nazirliyindən məlumat verilib.
Dəstək göstərilən təsərrüfatlardan biri olan Lənkəran rayonunun İstisu qəsəbəsində yerləşən “Citrus Valley”-də qidalanma ərazisi üçün yardımçı sahə tikilib, təsərrüfatın giriş və ümumi hissəsi abadlaşdırılıb, uşaqlar üçün oyun meydançası yaradılıb. Həmçinin xidmət səviyyəsinin yüksəldilməsi üçün avadanlıqlar və əşyalar verilib.
Bu günə kimi “Şəhərdən Kəndə” layihəsinə qoşulmaq üçün 220-yə yaxın fermer müraciət edib. Aparılan qiymətləndirmələr əsasında ümumilikdə 9 təsərrüfata dəstək göstərilib.
