2021-ci il 15 dekabr-2022-ci il 14 iyun tarixlərində 42 mindən çox iribuynuzlu heyvan haqqında məlumatlar elektron sistemə daxil edilib. Bu barədə Qida Təhlükəsizliyi Agentliyi məlumat verib.
Sistemə daxil edilən heyvanların 19 minə yaxını Bakı, 20 mindən çoxu Abşeron rayonu, 3 mindən çoxu isə Sumqayıt şəhərinin payına düşür.
Yaradılan Heyvanların İdentifikasiyası və Qeydiyyatı Sistemi “fermadan süfrəyədək” prinsipinə uyğun olaraq heyvan mənşəli qida məhsullarının izlənilməsinə imkan yaradacaq və yoluxucu xəstəliklərin yayılmasının qarşısını alacaq.
