Fransa Senatı ölkəmizə qarşı sanksiyalar tətbiq etmək istəyir. Buna qarşı çıxan 10 vətənpərvər tərəfindən Mesopinions.com saytında petisiya yerləşdirilib. Artıq toplanan imzaların sayı 10 mini keçib.
Səsimizi dünya ictimaiyyətinə eşitdirmək üçün Azərbaycan xalqı adından ünvanlanan bu çağırışa bir çox məşhur şəxslər də dəstək göstəriblər.
Ölkənin müdafiəsinə laqeyd qalmayanlar sırasında karate üzrə dünya çempionu Rafael Ağayev, kikboksçu Zabit Səmədov, bloger Kamil Vəlicanov, CVN kanalının rejissor və ssenaristi Vusal Əhmədzadə də var.
Həmçinin petisiyanı tanınmış kosmetoloq Fidan Mustafayeva, müğənni və aparıcı Rafael İsayev, 90 minə yaxın izləyicisi olan TikToker Aydan dəstəkləyiblər.
İndiyədək petisiyanın yayılmasında köməklik göstərən məşhurların sayı 43 nəfər təşkil edib. Onların arasında bodibilder Şahin Cahangirov, müğənni Ozan Əhmədov, jurnalist Firuzə Cəlilova, futbol şərhçisi Tural Məmmədli yer alıblar.
Eyni zamanda məsələ ilə bağlı BEAT Group-un kreativ meneceri Leyla Bağırlı, influenser Xatirə Yüzbəyova və aktyor Rüstəm Cəbrayılov paylaşımlar ediblər.
Bütün vətəndaşlarımıza bu təşəbbüsə dəstək olduqlarına görə dərin minnətdarlığımızı bildiririk!
Petisiyanın azərbaycan dilində imzalanma qaydası
Petisiyanın rus dilində imzalanma qaydası
Petisiyanın TÜRK dilində imzalanma qaydası
Bu petisiya qəlbində əks səda yaradan kəslərə, fransız dilini bilmədən asanlıqla və tez bir zamanda ona dəstək olmaq üçün necə səs vermək barədə addım-addım təlimatlar hazırlamışıq.
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
View this post on Instagram
