“ASAN müraciət” informasiya sistemi haqqında Əsasnamə təsdiq edilib. Bu barədə Baş nazir Əli Əsədov 9 dekabr tarixində qərar imzalayıb.
Belə ki, sözügedən informasiya sisteminin təhlükəsizliyini Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və Xüsusi Rabitə və İnformasiya Təhlükəsizliyi Dövlət Xidməti təmin edəcəklər.
Qərara əsasən, “ASAN müraciət” informasiya sisteminin “Hökumət buludu”na keçidinin təşkili ilə bağlı tədbirlər görülməlidir.
“ASAN müraciət” informasiya sisteminin fəaliyyətində iştirak edən qurumlara tapşırılıb ki, sözügedən Əsasnamə ilə müəyyən olunmuş tədbirlər 2 ay müddətində icra olunsun.
