Asiya İnkişaf Bankı “Qaradağ” Günəş Elektrik Stansiyasının (GES) inkişafı, tikintisi və istismarı üçün “Masdar Azerbaijan Energy” MMC-yə 35,7 milyon dollar həcmində kreditin ayrılmasını təsdiq edib. Bu haqda mayın 31-də Report xəbər verib.
Layihə bankın 2030-cu il Strategiyasına aid üç prioritetini dəstəkləyir: iqlim dəyişikliyi ilə mübarizə, iqlim və fəlakətlərə davamlılığın yaradılması və ekoloji dayamlılığın yaxşılaşdırılması.
Daha öncə Avropa Yenidənqurma və İnkişaf Bankı da “Qaradağ” Günəş Elektrik Stansiyasının tikintisinə 51 milyon dollar məbləğində kredit ayırmışdır.
Qeyd edək ki, layihənin ümumi dəyəri 240 milyon dollardır. “Qaradağ” GES-də istehsal edilən enerji 110 min mənzili elektrik enerjisi ilə təmin edə biləcək. Təməli martın 15-də qoyulan GES-in 2023-cü ilin payızında istifadəyə verilməsi gözlənilir.
