Türkmənistanın paytaxtı Aşqabadda Xəzəryanı ölkələrin xarici işlər nazirlərinin görüşü olub. Bu barədə 28 iyun tarixində Report məlumat verib.
Məlumata əsasən, görüşdə Azərbaycan Prezidentinin sərhəd və Xəzər dənizi məsələləri üzrə xüsusi nümayəndəsi, xarici işlər nazirinin müavini Xələf Xələfov, Rusiyanın xarici işlər naziri Sergey Lavrov, Türkmənistanın xarici siyasət idarəsinin rəhbəri Rəşid Mərədov, İranın XİN başçısı Hüseyn Əmirabdullahian və Qazaxıstanın xarici işlər naziri Muxtar Tleuberdi iştirak ediblər.
Qeyd olunub ki, iyunun 29-da Türkmənistanda Xəzəryanı ölkələrin dövlət başçılarının zirvə görüşü olacaq.
