Hədə-qorxu ilə tələb etmədə təqsirləndirilən Ata Abdullayevə hökm oxunub. O, 7 il müddətinə azadlıqdan məhrum edilib. Bu barədə dekabrın 28-də Report məlumat yayıb.
İttihama əsasən, Abdullayev müxtəlif şəxslərdən onlar haqqında rüsvayedici məlumatlar yaymaq hədəsi ilə pul tələb edib.
Belə ki, sözügedən şəxs Abşeron Rayon İcra Hakimiyyətinin nümayəndəsindən 6000 manat pul istəyib. O, qurumun rəsmisini Masazırda məişət tullantılarının vaxtında daşınmamasıyla bağlı video yaymaqla hədələyib.
Ata Abdullayev “hədə-qorxu ilə tələb etmə” maddəsi ilə ittiham edilərək həbs olunub.
Qeyd edək ki, bloger DTX əməkdaşları tərəfindən cari ilin mart ayında saxlanılıb. Prokuror təqsirləndirilən şəxsin 9 il müddətinə azadlıqdan məhrum edilməsini istəmişdir.
