KƏNDABAD-ın illərdir təşkil etdiyi "Şaxta Baba Ucqar Kəndlərdə" layihəsi bu il “Şaxta Baba Talış Dağlarında” proqramı adı altında keçirilir. Layihənin icrasında yerli icra strukturları və dövlət qurumları ilə əməkdaşlıq aparılır. Həmçinin maliyyə dəstəyi vətəndaşlardan toplanan ianələr hesabına edilir.
Layihənin əsas məqsədi Qafqazın və Talış dağlarının balaca sakinlərinin nağıl dünyasına rəng qatmaqdır.
Layihə çərçivəsində 24 dekabr - 1 yanvar tarixlərində Astara rayonunun 10-a yaxın ucqar kəndinə gediləcək.
Hədiyyələrin toplanma məntəqəsi:
Ecofrontun ofisi, Ünvan: Yasamal ray, Lev Tolstoy küç, bina 76
Əlaqə:
+994(51) 400 9091
Təşkilatçı və icraçı: Camping Azerbaijan & Kəndabad
Tərəfdaşlar: TİSA, Biz Birlikdəyik komandası
Həmçinin İsrailin Azərbaycandakı səfirliyi Ağdam, Bərdə, Tərtər rayonlarındakı uşaqlara Yeni İl hədiyyələri verib.
“Report” xəbər verir ki, bu barədə səfirlik tviter hesabında məlumat paylaşıb:
“Yeni İli qeyd etmək üçün səfirlik və “Lu-Mun” şirkəti bayram sovqatlarını Ağdam, Bərdə və Tərtər uşaqları ilə paylaşmaq qərarına gəlib. Biz onlara Santa Klaus vasitəsilə kitablar, isti geyimlər, məktəb ləvazimatı, oyuncaqlar və s hədiyyələr göndərdik. Bu uşaqlar ötən il müharibə zamanı çətin dövr yaşayıblar. Biz səfirlik olaraq “Lu-Mun”dakı tərəfdaşlarımızla birgə onlara layiq olduqları dinc, ləyaqətli, şən həyata nail olmaqda kömək olmaq istərdik. Yeni 2022-ci iliniz mübarək olsun!”
