Azərbaycan-İran arasında dövlət sərhədində atışma baş verib. Nəticədə sərhədçilərimiz tərəfindən bir nəfər zərərsizləşdirilib. Bu haqda Dövlət Sərhəd Ximəti dekabrın 7-də məlumat yayıb.
Hadisə bugün saat 16:00 radələrində Yardımlı rayonunun Daşkənd kəndi yaxınlığındakı ərazidə qeydə alınıb. 2 nəfər naməlum şəxs dövlət sərhədini pozaraq ölkə ərazisinə gəlməyə cəhd edib. Onlar “Dayan” əmrinə tabe olmayıblar və sərhədçilərə qarşı silahdan atəş açıblar.
Sərhəd pozucuları əllərindəki 2 ədəd bağlamanı ataraq hadisə yerindən geriyə qaçmaq istəyərkən, onlardan biri zərərsizləşdirilib. Digəri isə hazırda axtarışdadır.
Bağlamaların içərisindən 4270 ədəd “Marlboro”, “Kent”, “More” markalı siqaret qutusu aşkar edilib. Bu haqda İran tərəfi məlumatlandırılıb.
