Bakıda Cənubi Qafqazın ən böyük Baytarlıq Klinikası açılıb. Bu barədə 28 dekabr tarixində Kənd Təsərrüfatı Nazirliyinin saytında məlumat verilib.
Açılış zamanı kənd təsərrüfatı naziri İnam Kərimov məlumat verib ki, 1000 kvadratmetr ərazini əhatə edən klinikada ev heyvanları ilə yanaşı, kənd təsərrüfatı heyvanlarının da müayinə-müalicəsi aparılacaq.
Burada 20-yə yaxın əməkdaş çalışacaq. Klinikada qəbul, terapiya, dermatologiya, oftalmologiya, cərrahiyyə, USM, rentgen və digər xidmətlər göstəriləcək.
Müasir avadanlıqlarla təchiz edilən klinika Kənd Təsərrüfatı Nazirliyinin Baytarlıq Elmi-Tədqiqat İnstitutunun nəzdində fəaliyyət göstərəcək.
[URIS id=20075]
