“Azərbaycan Koka-Kola ("Coca-Cola") Bottlers Limited” MMC barəsində protokol tərtib edilərək Binəqədi Rayon Məhkəməsinə göndərilib. Bu barədə martın 14-də Report xəbər verib.
Protokol İnzibati Xətalar Məcəlləsinin “mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi” maddəsinə əsasən tərtib edilib.
Məhkəmənin baxış iclası martın 17-də baş tutacaq.
Sözügedən maddəyə görə, fiziki şəxslər 20 manatdan 50 manatadək məbləğdə, vəzifəli şəxslər 70 manatdan 100 manatadək məbləğdə, hüquqi şəxslər 250 manatdan 500 manatadək məbləğdə cərimə edilir.
