2022-ci ilin yanvar-fevral aylarında Azərbaycanda 19,1 milyard manatdan çox ümumi daxili məhsul (ÜDM) istehsal olunub. Bu da ötən ilin eyni dövrü ilə müqayisədə 6,7% çoxdur. Bu barədə məlumat Dövlət Statistika Komitəsinin 14 mart tarixli hesabatında əks olunub.
İqtisadiyyatın neft-qaz sektorunda əlavə dəyər 0,6%, qeyri-neft-qaz sektorunda isə 10,1% artıb. ÜDM istehsalının 53,6%-i sənaye, 7,9%-i ticarət, nəqliyyat vasitələrinin təmiri, 5,5%-i nəqliyyat və anbar təsərrüfatı, qalan 33%-i isə digər sahələrin payına düşüb.
