Bank filial və şöbələrinin sayı az olan ərazilərdə əhalinin bank xidmətlərinə çıxış imkanlarının artırılması üçün Azərbaycanda ilk dəfə agent bankçılıq layihəsinə start verilir. Bu barədə martın 15-də Azərpoçt xəbər verib.
Sözügedən layihə bank məhsul və xidmətlərinin müştərilərə üçüncü tərəf təşkilatlar tərəfindən təqdim edilməsidir.
İlk olaraq layihəyə “Azərpoçt”un Ağdaş rayonundakı filialı qoşulacaq.
Agent bankçılıq modeli Azərpoçt MMC və Access Bank QSC-nin birgə əməkdaşlığı çərçivəsində reallaşdırılacaq.
