2022-ci ilin ilk iki ayı ərzində Azərbaycanda faktiki qiymətlərlə 774,7 milyon manatlıq kənd təsərrüfatı malları istehsal edilib. Bu barədə 14 mart tarixində Dövlət Statistika Komitəsinin dərc etdiyi hesabatında deyilir.
Qeyd edək ki, ötən ilin eyni dövrü ilə müqayisədə sözügedən məhsulların istehsalında 3,1% artım qeydə alınıb. Heyvandarlıq məhsulları üzrə artım 2,5%, bitkiçilik məhsulları üzrə artım isə 14,1% təşkil edib.
Məlumatda qeyd edilib ki, mart ayının 1-nə kimi ölkədə 53,4 min hektar sahədə yazlıq bitkilər əkilib. Həmçinin cari ilin ilk iki ayı ərzində 87,9 min ton ət, 318,8 min ton süd, 306,3 milyon ədəd yumurta istehsal edilib.
