Azərbaycanda 2022-ci ilin yanvar ayında işçilərin orta aylıq nominal əməkhaqqı ötən ilin müvafiq dövrü ilə müqayisədə 10,9% artaraq 765,9 manat təşkil edib. Bu barədə məlumat Dövlət Statistika Komitəsinin 14 mart tarixindəki hesabatında əks olunub.
İqtisadi fəaliyyət növləri üzrə ən yüksək orta aylıq əməkhaqqı mədənçıxarma sənayesinə, maliyyə və sığorta fəaliyyəti, informasiya və rabitə sahələrinə aiddir.
Ölkə iqtisadiyyatında muzdla çalışan işçilərin sayı 1,7 milyon nəfər olub. Onlardan 54%-i dövlət sektorunda, 46%-i qeyri-dövlət sektorunda fəaliyyət göstərib.
2021-ci ilin yanvarında işçilərin orta aylıq nominal əməkhaqqı 690,9 manat təşkil edib.
