Azərbaycanda 2021-ci ilin noyabr ayında sənaye müəssisələrində 6 milyard manatlıq məhsul istehsal olunub. Bu barədə məlumat 12 dekabr tarixində Dövlət Statistika Komitəsinin saytında verilib.
İlin əvvəlindən sənaye müəssisələrində 47,9 milyard manatlıq məhsul istehsal edilib. Bu göstərici ötən ilin müvafiq dövrü ilə müqayisədə 5,5% artıb.
Sənayenin qeyri neft-qaz sektorunda isə məhsul istehsalı 21% çoxalıb.
Sənaye məhsulunun 63,8%-i mədənçıxarma, 30,6%-i emal, 4,8%-i elektrik enerjisi və qaz, 0,8%-i isə su təchizatı, tullantıların təmizlənməsi və emalı sektorunda istehsal olunub.
Azərbaycanda 2020-ci ildə 37,1 milyard manatlıq sənaye məhsulu istehsal edilib.
