Qazaxıstanın Azərbaycandakı ticarət evinin nəzdində “TDK-Logistika” logistika idarəsi yaradılıb. Bu haqda martın 14-də APA səfir Serjan Abdıkarimova istinadən məlumat verib.
Logistika Departamenti səmərəli yükdaşıma marşrutlarının qurulması, logistik prosesin optimallaşdırılması, mümkün xərclərin azaldılması və müştərilərə ən komfortlu xidmətlərin göstərilməsi üzərində çalışacaq.
Ticarət Evinin məqsədlərindən biri Qazaxıstan mallarının Azərbaycana, oradan Avropaya və əksinə çatdırılması üçün marşrutların inkişafıdır.
Qeyd edək ki, 2021-ci ildə Azərbaycanla Qazaxıstan arasında ticarət dövriyyəsi 332,2 milyon dollar təşkil edib.
