Azərbaycanda 2021-ci il dekabrın 1-nə uçotda olan vergi ödəyicilərinin sayı 1 321 539 təşkil edib. Ötən ilin eyni dövrü ilə müqayisədə bu göstərici 10% artıb. Bu haqda 7 dekabrda Dövlət Vergi Xidməti məlumat verib.
Vergi ödəyicilərinin 87,8%-i fiziki şəxslər, 12,2%-i isə hüquqi şəxslər və digər təşkilatlar olub.
İlin ilk 11 ayı ərzində dövlət qeydiyyatından keçmiş 10 769 kommersiya qurumundan 90,7% yerli investisiyalı, 9,3%-i xarici investisiyalı müəssisələr olub.
Yanvar-noyabr aylarında yeni qeydiyyat üsulu ilə (fin kod+mobil nömrə) 1 723 yerli investisiyalı məhdud məsuliyyətli cəmiyyət qeydiyyata alınıb. Bu isə 2020-ci ilin müvafiq dövrü ilə müqayisədə 86,5% çoxdur.
