2022-ci ilin yanvar-aprel aylarında Azərbaycanın beynəlxalq hava limanları 900 minə yaxın sərnişinə xidmət göstərib ki, bu da ötən ilin eyni dövrünə nisbətən 2 dəfə çoxdur. Bu barədə 13 may tarixində Heydər Əliyev Beynəlxalq Aeroportu məlumat yayıb.
Məlumata əsasən, aprel ayı ərzində sərnişin axını 247,5 min nəfər təşkil edib.
“Bakı hava limanının əsas aviadaşıyıcıları olan “AZAL” və “Buta Airways” aviaşirkətləri - müvafiq olaraq 350 və 114 min sərnişin daşımışdır ki, bu da ümumilikdə xidmət göstərilən sərnişinlərin ümumi payının 51%-ni təşkil edib”, - məlumatda bildirilib.
Qeyd olunub ki, aprel ayında Bakıdan ən populyar istiqamətlər İstanbul, Moskva, Dubay, Tbilisi, Minsk, Ankara, İzmir, Frankfurt, Əbu-Dabi və Aktau şəhərləri olublar.
