Azərbaycan cüdoçuları Sloveniyanın Sloven-Qradets şəhərində 8 medal qazanıblar. Bu haqda İnsanoid oktyabrın 25-də Cüdo Federasiyasına istinadən xəbər verir.
U-15 və U-18 yeniyetmələr arasında keçirilən beynəlxalq yarışda 22 ölkədən 602 idmançı medallar uğrunda mübarizə aparıb.
Yarışın ümumi nəticəsinə görə, cüdoçularımız 4 qızıl, 3 gümüş və 1 bürünc medal qazanaraq qızlar arasında birinci, ümumi komanda hesabında isə ikinci yerdə qərarlaşıblar.
