Bu gün, iyunun 24-də Minskdə Azərbaycan, Rusiya və Ermənistan baş prokurorlarının üçtərəfli görüşü baş tutub. Bu haqda Baş Prokurorluq xəbər yayıb.
Rusiya tərəfinin təşəbbüsü ilə keçirilən görüşdə Kamran Əliyev Qarabağ müharibələrindən sonra itkin düşmüş şəxslərin tapılması istiqamətində birgə fəaliyyətin vacibliyinə toxunub. O, həmçinin mina xəritələrinin verilməsinin önəmini və Qarabağa qanunsuz səfərlərin yolverilməzliyini vurğulayıb.
Baş prokurorlar, həmçinin Azərbaycan, Rusiya və Ermənistan dövlət başçıları tərəfindən imzalanmış bəyanatların icrasını və gələcəkdə hüquqi sahədə əməkdaşlıq məsələlərini müzakirə ediblər. Onlar gərginliyə səbəb olan halların qarşısının alınması üçün əlaqələrin gücləndirilməsi ilə bağlı razılaşmanı dəstəkləyiblər.
