Azərbaycan güləşçisi İspaniyanın Pontevedra şəhərində keçirilən U-23 dünya çempionatında erməni rəqibini məğlub edib. Bu barədə 22 oktyabr tarixində APA məlumat verib.
Belə ki, 74 kq çəkidə çıxış edən Azərbaycan sərbəst güləşçisi Xadjimurad Qadjiyev kolumbiyalı və şri-lankalı rəqibindən sonra 1/4 finalda Ermənistan təmsilçisini üstələyib.
Bu mərhələdə Hrayr Alıxanyanla qarşılaşan idmançımız 4:2 hesablı qələbə qazanaraq adını yarımfinala yazdırıb. Onun final yolundakı son rəqibi moldovalı Vasile Diakon olacaq.
Qeyd olunub ki, daha əvvəl yunan-Roma güləşçilərindən Nihad Quluzadə (55 kq) və Nihat Məmmədli (60 kq) gümüş, Qurban Qurbanov (72 kq) isə qızıl medal qazanıb. Qadın güləşçilərdən Nigar Mirzəzadə (65 kq) gümüş medala sahib çıxıb.
