Azərbaycan şirkətləri indiyə qədər Gürcüstana 3,5 milyard dollardan çox investisiya yatırıb. Bu barədə 29 iyun tarixində Azərbaycanın Gürcüstandakı səfirliyinin birinci katibi Sərxan İsmayılova istinadən Report məlumat verib.
Onun sözlərinə görə, həmin məbləğin 1,5 milyard dolları SOCAR-ın payına düşüb. O əlavə edib ki, Azərbaycan Gürcüstana ən çox investisiya yatıran ölkələrdən biridir: “Azərbaycan şirkətləri Gürcüstanın ən böyük vergi ödəyiciləridir. Onların hesabına qonşu ölkədə minlərlə iş yeri yaradılıb”. Səfirlik rəsmisi qeyd edib ki, ötən il iki ölkə arasında bir milyard dollardan çox ticarət aparılıb.
