2022-ci ilin yanvar-aprel aylarında Azərbaycanın ixracı 11,8 milyard dollar, qeyri-neft sektoru üzrə isə 965,5 milyon dollar təşkil edib. Bu haqda mayın 6-da İqtisadi İslahatların Təhlili və Kommunikasiya Mərkəzi tərəfindən məlumat verilib.
2021-ci illə müqayisədə qeyri-neft ixracı 39% artıb.
Hesabat dövründə meyvə-tərəvəz ixracı ötən ilə nisbətən 24% artaraq 162 milyon dollardan çox olub.
Eyni zamanda, kimya sənayesi məhsullarının ixracı 10 dəfə, alüminium və ondan hazırlanan məmulatların ixracı 91%, pambıq iplik ixracı 20%, pambıq lifi ixracı isə 7% artıb.
Təkcə aprel ayı üzrə isə ixrac 3,8 milyard dollar olub.
