Dünən, iyunun 16-da Rumıniyanın paytaxtı Buxarest şəhərində keçirilən güləş üzrə U-17 Avropa çempionatına yekun vurulub. Azərbaycan idmançıları Avropa çempionu adını qazanıb.
Güləşçilərimizdən Fəraim Mustafayev (55 kq) və Məhəmməd Qasımzadə (60 kq) qızıl, Elvin İbadov (48 kq), Vədat Qasımlı (51 kq), Seymur Qasımov (65 kq), Davud Məmmədov (71 kq) və İsmayıl Rzayev (80 kq) gümüş, Hüseyn Savadov (45 kq) isə bürünc medal qazanıb. Beləliklə, 2 qızıl, 5 gümüş və 1 bürünc medal qazanan yığmamız 175 xalla Avropa çempionu olub.
Qeyd edək ki, ötən il Bolqarıstanda keçirilən Avropa çempionatında da yığmamız qitə çempionu adını qazanmışdır.
