Azərbaycanda sahibkarların 99,6%-ni mikro, kiçik və orta biznes (KOB) subyektləri təşkil edir. Bu haqda iyunun 27-də Kiçik və Orta Biznesin İnkişafı Agentliyi (KOBİA) məlumat verib.
Onlardan 93,3%-i mikro, 4,5%-i kiçik və 1,8%-i orta sahibkarlıq subyektləridir. KOB subyektləri, əsasən, ticarət, tikinti, emal, kənd təsərrüfatı, logistika sahələri ilə məşğul olurlar.
İndiyədək KOB inkişaf mərkəzləri tərəfindən:
- 32 min sahibkarın faydalandığı 2 400-dən çox ödənişsiz təlim keçirilib;
- 4 500-dək sahibkarın yararlandığı məsləhət xidməti göstərilib;
- 500-ə yaxın KOB subyekti üçün ödənişsiz biznes plan hazırlanıb;
- 40 daxili bazar araşdırması aparılıb;
- 42 “Startap” şəhadətnaməsi verilib;
- 27 KOB subyektinə 500 min manatdan çox qrant vəsaiti verilib;
- 37 sərgi və yarmarkada 850-dən çox sahibkarın ödənişsiz olaraq iştirakı təmin edilib.
Qeyd edək ki, 27 iyun - dünyada mikro, kiçik və orta sahibkarlar günü kimi qeyd olunur.
