Bu ilin yanvar-aprel aylarında Azərbaycana xaricdən 330 679 turist səfər edib. Bu barədə Dövlət Turizm Agentliyindən məlumat verilib.
Bu, ötən ilin eyni dövrü ilə müqayisədə 2 dəfə çoxdur.
Məlumata görə, vətəndaşları Azərbaycana səfər edən ölkələrin siyahısında ilk üç yeri 86 644 nəfərlə Rusiya, 83 517 nəfərlə Türkiyə və 48 694 nəfərlə İran tutub.
Növbəti yerlərdə Gürcüstan, Ukrayna, Səudiyyə Ərəbistanı, BƏƏ, Pakistan, Hindistan,Qazaxıstan, Birləşmiş Krallıq, Almaniya, Özbəkistan və İsrail qərarlaşıb.
