Lənkəran Ağır Cinayətlər Məhkəməsində azyaşlı qızına qarşı seksual xarakterli zorakılıq hərəkətləri etməkdə təqsirləndirilən Nəcəf Məmmədovun cinayət işi üzrə məhkəmə prosesi başa çatıb.
Oxu.az-ın xəbərinə görə, hakim Esmira Məmmədovanın sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə N.Məmmədov 17 il azadlıqdan məhrum edilib.
İttihama görə, Salyan rayon sakini N.Məmmədov həyat yoldaşı ilə ər-arvad münasibəti pozulduqdan sonra 2016-ci il təvəllüdlü doğma qızına qarşı mütəmadi olaraq seksual xarakterli hərəkətlər edib.
1970-ci il təvəllüdlü N.Məmmədov saxlanılıb və barəsində həbs qətimkan tədbiri seçilib.
İstintaqla müəyyən edilib ki, N.Məmmədov ilk dəfə 2022-ci ildə evdə tək olarkən 6 yaşlı qızına qarşı seksual xarakterli hərəkətlər edib. O, qızına hədə-qorxu gələrək bu barədə heç kimə məlumat verməməyi tapşırıb. 2-ci qrup əlil olan N.Məmmədov həm də içki düşkünü olub.
O, həmin vaxtdan etibarən mütəmadi olaraq azyaşlı qızına qarşı seksual hərəkətlər edərək ehtirasını ödəyib. 2024-cü ilin sentyabr ayında N.Məmmədovun həyat yoldaşı işdən gələrkən evdə onu çılpaq vəziyyətdə qızına qarşı seksual hərəkətlər edərkən yaxalayıb.
Məlum olub ki, N.Məmmədov iki ildən artıqdır ki, qızına qarşı seksual hərəkətlər edir.
