Ölkənin ilk rəsmi irimiqyaslı rok festivalı iyunun 11-də Heydər Əliyev Sarayında baş tutacaq. Bu haqda məlumatı iticket.az paylaşıb.
Festivalın məqsədi Azərbaycanda rok janrını tanıtmaq, təbliğ və inkişaf etdirməkdir.
Biletin qiyməti 20-60 manat təşkil edir.
Tədbirdə The Passion, Free From Four, Dədə Baba, Orxan Efendi, Qara Dərviş, Groove in spires, Sadnos, Evil Decay kimi rok qrupları iştirak edəcək. Həftə ərzində festival iştirakçılarının özəl proqramlarla konsert çıxışları da təşkil olunacaq.
