2022-ci ilin ilk dörd ayı ərzində Azərbaycanda faktiki qiymətlərlə 1,68 milyard manatlıq kənd təsərrüfatı malları istehsal edilib. Bu barədə 17 may tarixində Dövlət Statistika Komitəsinin dərc etdiyi hesabatında deyilir.
Qeyd edək ki, ötən ilin eyni dövrü ilə müqayisədə sözügedən məhsulların istehsalında 3,6% artım qeydə alınıb. Heyvandarlıq məhsulları üzrə artım 2,8%, bitkiçilik məhsulları üzrə artım isə 14,8% təşkil edib.
Məlumatda qeyd edilib ki, yanvar-aprel aylarında ölkədə 306,1 min hektar sahədə yazlıq bitkilər əkilib. Həmçinin hesabat dövrü ərzində 181,6 min ton ət, 685 min ton süd, 643,1 milyon ədəd yumurta istehsal edilib.
