Azərbaycanda qarğıdalı sahələrinin güzəştli sığortası başlayıb. Bu barədə 31 may tarixində Aqrar Sığorta Fondu məlumat yayıb.
Məlumata əsasən, digər əkinlərdə olduğu kimi, qarğıdalı üzrə də sığorta haqqının yarısı fermerlərə dəstək üçün dövlət tərəfindən ödənilir.
Bilidirilib ki, təminat verilən risklər sırasına dolu, sel-su basma, ildırım, yanğın, qasırğa, fırtına, zəlzələ, torpaq sürüşməsi, üçüncü şəxslərin hərəkətləri kimi hallar aiddir.
Fermerlər əkin sahələrinin sığortası üzrə sığorta haqlarını və ödənişləri Aqrar Sığorta Fondunun rəsmi internet səhifəsində «Bitkiçilik kalkulyatoru» bölməsində hesablaya bilərlər.
Həmçinin əlavə məlumatı ASF-in sosial şəbəkə hesablarını izləməklə və 1651 qısa nömrəsi ilə əlaqə saxlamaqla əldə etmək olar.
