Rusiyadan Azərbaycana inşaat materialları daşıyan yük qatarı relsdən çıxıb. Bu barədə 16 iyul tarixində Oxu.az Bizim.Media-ya istinadən məlumat verib.
Hadisə dəmir yolunun Siyəzən rayonunun Zarat qəsəbəsindən keçən hissəsində baş verib.
Yük qatarının 3-4 vaqonunun relsdən çıxması nəticəsində vaqonlarda olan taxta və şalban kimi inşaat materialları yola dağılıb. Sahibkarlara ciddi zərər dəyib.
Ölən və xəsarət alanlarla bağlı hələ ki məlumat yoxdur.
Məsələ ilə bağlı "Azərbaycan Dəmir Yolları" QSC-dən rəsmi məlumat verilməyib.
