İyunun 15-dən Azərbaycanın milli aviadaşıyıcısı Rusiyanın şəhərləri ilə hava əlaqəsini bərpa edir. Bu barədə AZAL-dan məlumat verilib.
AZAL və “Buta Airways” aviaşirkətləri Moskva, Sankt-Peterburq, Həştərxan, Mineralnıye Vodı və Kazan şəhərlərinə uçuşlarını bərpa edir.
Moskva şəhərinin Domodedovo və Vnukovo hava limanlarına gündəlik uçuşlar yerinə yetiriləcək. Bakıdan Sankt-Peterburq şəhərinə uçuşlar həftədə iki dəfə - cümə axşamı və bazar günləri həyata keçiriləcək.
“Buta Airways” həmin tarixdən həftədə iki dəfə olmaqla Həştərxan (cümə axşamı və bazar günləri), Mineralnıye Vodı (çərşənbə axşamı və bazar günləri) və Kazan (çərşənbə və şənbə günləri) şəhərlərinə uçuşlar yerinə yetirəcək.
Rusiyaya giriş qaydaları ilə link vasitəsilə tanış olmaq olar.
Qeyd edək ki, martın 6-da AZAL və “Buta Airways” Rusiyanın şəhərlərinə bütün reysləri dayandırmışdı.
