Çin əsilli olan Aygün Lin Azərbaycanı təmsil edir. Bu barədə İnsanoid AStar-a istinadən bu gün, 11 iyul tarixində xəbər verir.
Hər iki valideyni Çindən olan 20 yaşlı Aygün Lin Azərbaycan dilində tam sərbəst danışa bilir. O, taekvondo üzrə Azərbaycan millisinin də üzvüdür.
Bakıya işlə əlaqədar gələn Aygünün valideynləri o zaman burada qalmağa qərar verirlər. Özünün vurğuladığına görə, doğulan zaman onun adını həkimlər qoyublar.
Onun Emin, Aydın, Məhəmməd adlı qardaşları və Arzu adlı bir bacısı var.
Aygün cəmiyyətimizdə bəzi çətinliklərlə üzləşir ki, onlardan biri də insanların onun bizim dili bilmədiyini düşünmələridir. Aygünün əsas problemlərindən biri isə bəzən bullinqə məruz qalmasıdır. O, bu problemini taekvondoya yazılaraq aradan qaldırıb.
Taekvondoya həvəsi isə televizorda gördüyü filmdən yaranıb.
