Almaniyanın Frankfurt şəhərində keçirilən “IMEX 2022” sərgisində Azərbaycanın işgüzar turizm imkanları təbliğ edilir. Bu haqda Dövlət Turizm Agentliyindən iyunun 1-də məlumat verilib.
Sərgidə 8 yerli turizm şirkəti iştirak edir.
Məqsəd ölkəmizin işgüzar və biznes turizmi potensialını Avropada tanıtmaq və xarici tərəfdaşlarla əlaqələri genişləndirməkdir.
“IMEX Frankfurt” sərgisi 2002-ci ildən başlayaraq hər il keçirilir. Sərgiyə 150-dən çox ölkədən 2500-dən çox nümayəndənin qatılacağı gözlənilir. Tədbir 2 iyuna kimi davam edəcək.
