2022-ci ilin 5 ayı ərzində ötən ilin eyni dövrü ilə müqayisədə Azərbaycanın meyvə-tərəvəz ixracı 6,3% artıb. Bu barədə məlumat Dövlət Gömrük Komitəsinin son hesabatında əks olunub.
Hesabat dövrü ərzində ötən illə müqayisədə tomatın ixracı 5%, meşə fındığının ixracı - 39%, almanın ixracı isə 14% artıb.
Qeyd edək ki, 2021-ci ilin 5 ayı ilə müqayisədə cari ildə qeyri-neft məhsulları üzrə ixrac 31% artıb.
Qeyri-neft məhsullarının ixrac olunduğu əsas ölkələr Türkiyə (32,8%), Rusiya (22,1%) və Gürcüstandır (16,7%).
