Azərbaycanın qeyri-neft ixracında əsas partnyor ölkələr Türkiyə, Rusiya, Gürcüstan, İsveçrə və ABŞ-dır. Bu barədə 31 may tarixində İqtisadi İslahatların Təhlili və Kommunikasiya Mərkəzinin dərc etdiyi hesabatda deyilir.
Məlumata əsasən, hesabat dövründə Türkiyə ilə qeyri-neft ixracı 54,3% artaraq 333,7 milyon dollar, Rusiya ilə 1,6% artaraq 191,7 milyon dollar, Gürcüstanla 14% artaraq 61 milyon dollar, İsveçrə ilə 25,2% azalaraq 51 milyon dollar, ABŞ ilə 71,3% artaraq 39,4 milyon dollar təşkil edib.
Qeyd edək ki, hesabat dövründə qeyri-neft ixracı 965,5 milyon dollar təşkil edib.
