2022-ci ilin ilk 5 ayı ərzində Azərbaycanın xarici ticarət dövriyyəsi 20,5 milyard dollardan çox olub. Bu barədə 16 iyun tarixində dərc edilmiş Dövlət Gömrük Komitəsinin hesabatında deyilir.
Hesabata əsasən, xarici ticarət dövriyyəsinin 37,44%-i və ya 7,6 milyard dollardan çox hissəsi İtaliyanın, 11,94%-i və ya 2,4 milyard dollardan çox hissəsi isə Türkiyənin payına düşüb. Azərbaycanın xarici ticarət dövriyyəsinin 49,38%-i bu iki ölkənin payına düşür. Sonrakı sıralarda Rusiya (1,2 milyard dollar), Hindistan (871 milyon dollar) və İsrail (871 milyon dollar) qərarlaşıb.
İxracda əsas partnyorlar İtaliya (7,5 milyard dollar), Türkiyə (1,6 milyard dollar) və İsraildir (858 milyon dollar). İdxalda isə əsas tərəfdaşlar Rusiya (968 milyon dollar), Türkiyə (851 milyon dollar) və Çindir (762 milyon dollar).
