Fransa Prezidenti Emmanuel Makronun açıqlamaları Avropa İttifaqının vasitəçilik səylərinə kölgə salır. Bunu azərbaycanlı politoloq İlqar Vəlizadə deyib.
Onun sözlərinə görə, dövlət başçısı təkcə ölkəmizə böhtan atmır, Avropadakı qonşularını da təhqir edir.
“O, Azərbaycan qazı ilə bağlı sualı cavablandırarkən “...bizim dəyərlərimizi, prinsiplərimizi nə qaza, nə də neftə almaq olmaz” ifadəsini işlədir. Yəni elə çıxır ki, Yunanıstan, Bolqarıstan, İtaliya və Avropa Komissiyasının sədri qaza görə satılıblar?”, - deyə politoloq bildirib.
Həmçinin diqqətə çatdırılıb ki, Fransa Prezidenti Qarabağ haqqında bəhs edərkən, həmin bölgəni “beynəlxalq səviyyədə tanınmamış mübahisəli ərazi” adlandırır.
İlqar Vəlizadə qeyd edib ki, beynəlxalq hüquq praktikasında “beynəlxalq səviyyədə tanınmamış ərazi” anlayışı yoxdur: “Azərbaycan Qarabağ bölgəsinin ərazisini həmişə mübahisəli ərazi kimi yox, özününkü kimi tanıyıb”.
Son olaraq politoloq Fransanın Azərbaycanla Ermənistan arasında münasibətlərin normallaşdırılmasında vasitəşi kimi iştirak edə bilməcəyini vurğulayıb.
