2022-ci ilin ilk 5 ayı ərzində 530 min Azərbaycan vətəndaşı xarici ölkələrə səfər edib. Bu haqda iyunun 21-də Dövlət Statistika Komitəsinin hesabatında deyilir.
Bu göstərici ötən illə müqayisədə 2,4 dəfə çoxdur.
Səfər edənlərin 55%-i hava, 42%-i dəmir yolu və avtomobil, 3%-i isə dəniz nəqliyyatına üstünlük veriblər.
Vətəndaşlarımız daha çox Türkiyə (47%), Rusiya (16%), İran (13%) və Gürcüstana (8%) gediblər.
Eyni zamanda sözügedən dövr ərzində Azərbaycana dünyanın 157 ölkəsindən 468 mindən çox turist gəlib. Gələnlərin 25%-i Türkiyə, 25%-i Rusiya, 14%-i İran, 6%-i Gürcüstan, 4%-i isə Səudiyyə Ərəbistanı vətəndaşları olub. Ölkəmizi ziyarət edənlərin 80%-i kişilər, 20%-i isə qadınlardır.
