Azərbaycanda yaxın 5 ilə smart-kart tipli sayğaclardan tam imtina ediləcək. Bu barədə 20 oktyabr tarixində APA "Azəriqaz" İstehsalat Birliyinin Baş direktoru Ruslan Əliyevə istinadən məlumat verib.
O bildirib ki, üzərində smart qurğusu olan mexaniki tipli sayğac və yaxud onlayn rejimdə işləyən sayğaclar mövcud olacaq: “Biz bu mexaniki sayğacları quraşdıraraq, onların üzərində xüsusi onlayn rejimdə işləyən qurğular da quraşdırırıq və onlayn olaraq biz məlumatları onlardan həm götürə bilirik, həm kənardan dayandırılmasını həyata keçirə bilirik. Artıq yeni texniki şərtlə müraciət edən MTK-da bunun tətbiqinə başlamışıq".
Baş direktorun sözlərinə görə, bugünkü gün şəbəkədə 60 minə yaxın belə sayğac quraşdırılıb.
“Onu da bildirim ki, bizim onlayn rejimdə işləyən sayğaclarımız da var, 10 ədədini biz Bakı şəhərində pilot layihə kimi quraşdırmışıq", - deyə qurum rəsmisi əlavə edib.
