Artıq abonentlər ödəniş etmədən online qaydada abonent kodunun addan ada keçirilməsini həyata keçirə biləcək. Bu haqda iyunun 6-da "Azərişıq" ASC-yə istinadən Report məlumat verib.
Qurumun nümayəndəsi Vüsal İsayev digər yeni xidmətlər barəsində də məlumat verib: “Əhali abonentlərinin geniş tarixçənin verilməsi, əhali və qeyri-əhali abonentlərində sayğac zədələnməsi ilə elektron qaydada müraciət etmək funksiyası aktivləşdirilib”.
Həmçinin məlumatda deyilir ki, xarici və yerli investorlar elektrik şəbəkəyə qoşulmaqla bağlı müraciətlərini ASAN xidmət mərkəzlərinə və ASAN Kommunal mərkəzlərinə getmədən online qaydada edə biləcəklər.
Hazırda "Azərişıq" ASC 19 elektron xidmət təqdim edir.
